Бейсенбі, 28 Наурыз 2024
2321 0 пікір 26 Қазан, 2020 сағат 12:12

Президент сайлауы 2021 жылдың 10 қаңтарында өтеді

Қырғызстанда парламент сайлауы келесі жылдың алғашқы жарты жылдығына дейін өтпейді. Осылай деп үкімет басшысы, президент міндетін атқарушы Садыр Жапаров Инстаграмдағы sadyr_japarov деген парақшасына жазды.

"Парламент сайлауы келесі жылдың бірінші жартысына дейін болмайды. 20 желтоқсанда парламент сайлауы өтеді деп жатыр, бұл шындыққа жанаспайды. Жалған мәлімет таратқандарға сенбеңдер. 2021 жылдың 10 қаңтарында президент сайлауы өтеді. Одан кейін реформалар жүреді. Сосын барып парламент сайлауы өтеді", - деген Жапаров.

Инстаграмдағы аталған аккаунт верификацияланғанын растайтын ресми белгі жоқ болғандықтан, Азаттық үкімет басшысының баспасөз қызметіне хабарласты. Баспасөз қызметінің жетекшісі Бактыбек Рысалиев аккаунт Садыр Жапаровтыкі екенін, мәлімдемені өзі таратқанын растады.

Орталық сайлау комиссиясы (ОСК) заңға сәйкес қайта парламент сайлауы 20 желтоқсанда өтуі тиіс деген шешім шығарған. 24 қазанда Бішкектің Бірінші май аудандық соты ОСК шешімін заңсыз деп тапты.

22 қазанда парламентте Конституцияға өзгерістер енгізіліп, парламенттік қайта сайлауды тоқтата тұру туралы заң жобасын қабылдап, оған президент міндетін атқарушы Садыр Жапаров қол қойған.

Оған сәйкес, парламент сайлауы 2021 жылдың 1 маусымынан кешіктірілмей, конституциялық реформадан кейін өтуі тиіс.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1559
Алашорда

Қожанов межелеу науқанында (Жалғасы)

Бейбіт Қойшыбаев 2250
Ғибырат

Қайсар рухты ғазиз жан

Мұхтар Құл-Мұхаммед 3499