33 млн теңге пара алды деп айыпталған Алматы облысы Қарасай ауданы әкімінің орынбасары ірі көлемде айыппұл төлейтін болды.

Сот шешіміне сәйкес, енді ол мемлекет қазынасына 73,4 млн теңге төлеуге міндеттелді.

Бұл жөнінде тікелей эфир кезінде AntikorLive Сыбайлас жемқорлыққа қарсы агенттіктің Алматы облысы бойынша департамент басшысы Ернар Мақажанов мәлімдеді.

Айта кетейік, Қарасай ауданы әкімінің орынбасары жеке серіктестің бірінен келісімшартқа қол қою кезінде пара алды деген күдікке ілінген болатын. Ол «Жол картасы 2020» бағдарламасы аясында салынатын нысанға «қамқорлық» таныту үшін сыбайластыққа барған.

Ал салынуы тиіс объектінің құны 600 млн теңге болған.

Abai.kz