Ақсу аудандық партияның сайлауалды бағдарламасын түсіндіру бойынша облыстық және аудандық мәслихат депутаттығына үміткерлер аудандық «Қобызшы Молықбай Байсақұлы» атындағы мәдениет үйінде ауданымыздың білім беру, медицина саласының қызметкерлерімен кездесу өткізді.

Кездесуге облыстық мәслихат депутаттығына кандидат Данияр Ахмолдаев, аудандық мәслихат депутаттығына үміткерлер Қайрат Абдрахманов, Ләззат Қасымбекова, Раушан Ақсубаева қатысты.

Кездесу барысында үміткерлер партияның жетістіктерімен, қоғамдық қызметтерімен және сайлауалды бағдарламаларымен таныстырып, үнпарақтар таратты. Партиялық бағдарламада халықтың тыныс-тіршілігі, еңбегі, денсаулығы, білім, әл-ауқаты, құқығының қорғалуы басты назарға алынғанын жеткізіп, осы бағыттар бойынша көптеген жобалар жасалып, жүзеге асуына «Nur Otan» партиясы барынша ықпал ететінін жеткізді.

Білім беру мен медицина саласында атқарылатын басты жұмыстар атап көрсетілді. Кездесуге қатысушылар кандидаттарға сұрақтарын қойып, тиісті жауаптарын алды. Жалпы көптеген мәселелердің шешу шарасы Ақсу аудандық «Nur Otan» партиясының 2021-2025 жылдарға арналған сайлауалды бағдарламасында қарастырылғанын айтып өтті. Жиын соңында қатысушыларды 10 қаңтар күні дауыс беруге шақырды.

Ескерту: «NUR OTAN»  партиясы Ақсу аудандық сайлау қорының қаражатынан төленді.

Abai.kz