Кешегі Мәжіліс пен мәслихат сайлауының ҚР ОСК жариялайтын ресми қорытындысы белгілі болмай жатып, «ADAL» партиясының төрағасы Серік Сұлтанғали «Nur Otan» партиясын құттықтапты.

«Exit poll-дың» болжамды қорытындысынан соң, партия төрағасы Серік Сұлтанғали Мәжіліс пен мәслихат депутаттығына ұсынылған үміткерлерге дауыс берген сайлаушыларға алғыс айтқан.

Ол ұйымның негізінен жастардан тұратынын айтып, әрі сайлауалды кезеңде басталған жұмыстың бұдан әрі де жалғасатынын жеткізген.

«Бұл тек сайлау үшін емес, бұл партия халыққа берген уәдесін қалай орындау керек, соның жолымен жүретін партия. Бұл бүгін халыққа өте керек партия. Экзит-пол деген бар, өздеріңіз білесіздер. Соның алғашқы анализі бойынша «Nur Otan» партиясы бірінші орында келе жатыр. Сондықтан өзім «Nur Otan» партиясын құттықтаймын», - депті Серік Сұлтанғали.

Abai.kz