كەشەگى ءماجىلىس پەن ءماسليحات سايلاۋىنىڭ قر وسك جاريالايتىن رەسمي قورىتىندىسى بەلگىلى بولماي جاتىپ، «ADAL» پارتياسىنىڭ توراعاسى سەرىك سۇلتانعالي «Nur Otan» پارتياسىن قۇتتىقتاپتى.

«Exit poll-دىڭ» بولجامدى قورىتىندىسىنان سوڭ، پارتيا توراعاسى سەرىك سۇلتانعالي ءماجىلىس پەن ءماسليحات دەپۋتاتتىعىنا ۇسىنىلعان ۇمىتكەرلەرگە داۋىس بەرگەن سايلاۋشىلارعا العىس ايتقان.

ول ۇيىمنىڭ نەگىزىنەن جاستاردان تۇراتىنىن ايتىپ، ءارى سايلاۋالدى كەزەڭدە باستالعان جۇمىستىڭ بۇدان ءارى دە جالعاساتىنىن جەتكىزگەن.

«بۇل تەك سايلاۋ ءۇشىن ەمەس، بۇل پارتيا حالىققا بەرگەن ۋادەسىن قالاي ورىنداۋ كەرەك، سونىڭ جولىمەن جۇرەتىن پارتيا. بۇل بۇگىن حالىققا وتە كەرەك پارتيا. ەكزيت-پول دەگەن بار، وزدەرىڭىز بىلەسىزدەر. سونىڭ العاشقى ءاناليزى بويىنشا «Nur Otan» پارتياسى ءبىرىنشى ورىندا كەلە جاتىر. سوندىقتان ءوزىم «Nur Otan» پارتياسىن قۇتتىقتايمىن»، - دەپتى سەرىك سۇلتانعالي.

Abai.kz