Коронавирусқа қарсы Қытайдың «Sinovac Biotech» компаниясы әзірлеп шығарған вакцина сапасыз, әсері жоқ, тиімділігі төмен деп бағаланды.
Бразилияның «Бутантан» Институтының қытайдың «Sinovac Biotech» компаниясы әзірлеген вакцинаға тәжірбие жасапты. Оған 13 мыңға жуық ерікті қатысқан екен. Ол бойынша жаңағы қытайлық вакцинаның індетпен күрестегі тиімділігі 50,4 пайызды құраған.
Десе де, Дүниежүзілік денсаулық сақтау ұйымы осыған дейін, адамдардың індетке қарсы иммунитетін қалыптастыру үшін 50 пайыздық көрсеткіш те жеткілікті екенін айтқан.
Қосымша ақпарат: Бұған дейін Бразилияда коронавирус вакцинасын салдырған ерікті қайтыс болғаны БАҚ-та жария болған.
Дүниежүзілік денсаулық сақтау ұйымы коронавирустан сақтайтын ұжымдық иммунитет биыл қалыптаспауы мүмкін екенін ескертті.
«Вакцина әлсіз топтарды аурудан сақтауға көмектессе де, 2021 жылы тұтас ұлтты қорғайтын иммунитет қалыптасады деп айта алмаймыз», - деп мәлімдеді ДДСҰ-ның бас ғылыми қызметкері Сумия Сваминатан. «Жекелеген мемлекетте ұжымдық иммунитеттің қалыптасуы бүкіл әлемді қорғай алмайды», - деп есептейді маман.
Карантин шараларына қарамастан, вирустың беті қайтар емес. Вирустың адамнан адамға жұғуын әлсірету үшін халықтың 70-80 пайызы вакцина ектіруі керек.
Еуропа елдері мен АҚШ-та халықты егу науқаны жүріп жатыр, бірақ бұл жұмыс вакцина тапшылығына байланысты баяулап тұр.
Дүйсенбі күні немістің BioNTech компаниясы 2021 жылы 2 млрд дана вакцина өндіретінін хабарлады. Бұл әлемнің миллиардтаған тұрғынын вакцинациялауға жетеді. Жерде шамамен 7,6 млрд адам тұрады.
Abai.kz
