Ресей мен Беларуссия Қырымға рейстер ашу мәселесін пысықтайды. Бұл туралы 1 маусымда Беларуссия Президенті Александр Лукашенко мәлімдеді.

Лукашенко Украинаның Беларуссия ұшақтары үшін әуе кеңістігін жапқанын айтты.

«Біздің Қырымда, Мисхорда адамдар саяхаттап демалатын өзіміздің шипажайымыз бар. Біз қарым - қатынасты ушықтырмас үшін Украинаны араладық: біреулері пойызбен, біреулері вагондармен, біреулер ұшақпен. Енді олар біз үшін әуе жолдарын жауып тастады»,- деді Лукашенко.

Лукашенконың сөзіне қарағанда, ол Ресей президенті Владимир Путиннен бұл мәселені шешуін сұрады: «Біз Қырымға қалай жете алатынымызды ойлаңыз. Біз Польша арқылы ұшпаймыз:ол жаққа да кіруге болмайды»,-деді ол.

Құзыретті ведомстволарға қазірдің өзінде Қырымға рейстер ашу мәселесін пысықтау тапсырылды. Лукашенко «мұнда ешқандай проблема болмайды» деп санайды.

Украина Ryanair әуе кемесімен болған оқиғадан кейін Беларуссиямен әуе қатынастарын жапқан. Айта кетсек, 23 мамырда Афины-Вильнюс бағытында келе жатқан лайнер Минскіге жарылыс қаупі бар деген себеппен шұғыл қонды. Қонғаннан кейін бірден қауіпсіздік күштері бортта болған оппозициялық Telegram NEXTA арнасының бұрынғы бас редакторы Роман Протасевичті ұстады. Алайда, жарылыс қаупі расталмады.

Abai.kz