ІІМ 478 миллион теңгеге көліктер сатып алады
ҚР Ішкі істер министрлігі 478 миллион теңгеге 52 седан көлігін сатып алуды жоспарлап отыр.
«Тапсырыс беруші -« Қазақстан Республикасы Ішкі істер министрлігі» мемлекеттік мекемесі»; атауы - автомобиль; қосымша сипаттама - седан (11 тип); бірлік бағасы - 9,69 млн теңге; саны - 26; жоспарланған сома - 251,94 млн.теңгені құрайды», - делінген мемлекеттік сатып алу порталында орналастырылған лоттың сипаттамасында.
Сол хабарландыруда тағы бір лот орналастырылды. Ол бойынша, әрқайсысы 8,69 млн.теңгеге 26 седан (6 типті) сатып алынбақ. Жалпы сомасы 225,94 млн.
Конкурсқа қатысуға өтінімдерді алдын-ала қабылдау 14 шілдеде сағат 9.00-де басталып, 29 шілдеде сағат 9.00-де аяқталады.
Abai.kz