Тәжікстан СІМ Ауғанстанның отставкадағы президенті Ашраф Ганидің Тәжікстанда екендігі туралы ақпаратты жоққа шығарды.

"Мұхаммед Ашраф Ғани мырзаны алып бара жатқан ұшақ Тәжікстанның әуе кеңістігіне кірмеген және ел аумағына қонған жоқ. Тағы бір айта кетерлігі, тәжік тарапы Ауғанстан тарапынан тиісті сұрау алмаған" дейді тәжік билігі.

Ауғанстан президенті Ашраф Ғани отставкаға кеткені кеше белгілі болды. Мемлекет басшысы әкімшілік басшысымен және ұлттық қауіпсіздік жөніндегі кеңесшісімен бірге Тәжікстанға барды деген болжам бар. Басқа ақпарат көздері Өзбекстан мен Оман елдерін атауда. Қазіргі уақытта оның нақты қайда екені белгісіз.

Abai.kz