"Үкіметтің резервінен Маңғыстау мен Қызылорда облыстарына азық -түлік шығындарын өтеуге 3 миллиардтан астам теңге бөлінді" деп мәлімдеді  Ауыл шаруашылығы министрі міндетін атқарушы Ербол Қарашукеев үкімет отырысында.

"Биылғы ауа райының қолайсыздығы ауыл шаруашылығында төрт түлікті азықпен қамтамасыз етуде қиындықтар туғызды. Бүгінде жем -шөп дайындау мәселесі бойынша қызметті үйлестіру жөніндегі штаб жұмыс істейді, зардап шеккен аймақтарға қаржылай көмек көрсетілуде. Осылайша, Маңғыстау мен Қызылорда облыстарындағы құрғақшылықтан ең көп зардап шеккен, жемшөп сатып алуға кеткен шығындарды өтеуге үкіметтің резервінен 3,6 млрд теңге бөлінді", - деді Қарашукеев.

Еліміздің Батыс және Қызылорада өңірінде құрғақшылық болып, мал қырылып жатыр.

Abai.kz