"ۇكىمەتتىڭ رەزەرۆىنەن ماڭعىستاۋ مەن قىزىلوردا وبلىستارىنا ازىق -تۇلىك شىعىندارىن وتەۋگە 3 ميللياردتان استام تەڭگە ءبولىندى" دەپ مالىمدەدى  اۋىل شارۋاشىلىعى ءمينيسترى مىندەتىن اتقارۋشى ەربول قاراشۋكەەۆ ۇكىمەت وتىرىسىندا.

"بيىلعى اۋا رايىنىڭ قولايسىزدىعى اۋىل شارۋاشىلىعىندا ءتورت تۇلىكتى ازىقپەن قامتاماسىز ەتۋدە قيىندىقتار تۋعىزدى. بۇگىندە جەم -ءشوپ دايىنداۋ ماسەلەسى بويىنشا قىزمەتتى ۇيلەستىرۋ جونىندەگى شتاب جۇمىس ىستەيدى، زارداپ شەككەن ايماقتارعا قارجىلاي كومەك كورسەتىلۋدە. وسىلايشا، ماڭعىستاۋ مەن قىزىلوردا وبلىستارىنداعى قۇرعاقشىلىقتان ەڭ كوپ زارداپ شەككەن، جەمشوپ ساتىپ الۋعا كەتكەن شىعىنداردى وتەۋگە ۇكىمەتتىڭ رەزەرۆىنەن 3,6 ملرد تەڭگە ءبولىندى", - دەدى قاراشۋكەەۆ.

ەلىمىزدىڭ باتىس جانە قىزىلورادا وڭىرىندە قۇرعاقشىلىق بولىپ، مال قىرىلىپ جاتىر.

Abai.kz