Қазақстан мектептерінде "Цифрлық сауаттылық" 2022 жылдың қаңтарынан бастап бірінші сынып оқушыларына оқытыла бастайды. 

Үшінші тоқсанда мектеп бағдарламасына алғаш рет "Цифрлық сауаттылық" пәні енгізілетін болды. Бұл туралы Білім және ғылым министрі өкілдері мәлімдеді.

"Оқу бағдарламасы уақыт талабына сай болуы керек. Біз цифрлық әлемнің қалай тез дамып жатқанын көріп отырмыз. Енді балалар смартфондар мен компьютерлерді мектеп жасына дейін қолдануды біледі. Бүгінде цифрлық сауаттылық оқу мен жазу сияқты негізгі дағдылардың біріне айналуда. Сондықтан балаларға цифрлық сауаттылықтың негіздерін, цифрлық гигиена мен ақпараттық қауіпсіздікті мүмкіндігінше ертерек үйрету маңызды. Әрине, жаңа тақырып балалардың жас ерекшеліктеріне сәйкес бейімделетін болады", - деді министрлік өкілдері.

Цифрлық сауаттылықты арттыру бойынша президент өз жолдауында айтқан болатын.

Abai.kz