Шахматтан қыздар арасында өткен Азия чемпионатында қазақстандық шахматшылар екі алтын, екі күміс алды. Бұл туралы Қазақстан шахмат федерациясы хабарлады.

22-24 қазан аралығында онлайн режимде өткен жарысқа қазақстаннан 11 шахматшы қатысқан.

Әйелдер арасындағы ФИДЕ шебері Ксения Балабаева 16 және Елназ Қалиахмет 12 жасқа дейінгі категориялар бойынша Азия чемпионы атанды. Чемпионат жеңімпаздары Алтын сертификаттармен марапатталады.

12 жасқа дейінгі қыздар арасында Нұрсұлу Оразалина Азия Чемпионатының күміс жүлдегері атанса, 10 жасқа дейінгілер арасында Айару Алтынбек екінші жүлдені жеңіп алды. Күміс жүлдегерлерге де Күміс сертификаттар табысталады.

Abai.kz