Алматыда коронавирусқа қарсы ревакцинация қараша айының соңында басталады. Бұл туралы Орталық қалалық клиникалық аурухана директорының орынбасары Эльвира Ибрагимова брифингте мәлімдеді.

Оның айтуынша, қазір қалада үш вакцина тіркелген: ресейлік "Спутник V", қазақстандық QazVac және қытайлық Vero Cell. «Бізде вакцина жеткілікті, ревакцинация қарашаның үшінші онкүндігінде басталады. Ревакцинация – адамдардың бірінші және екінші екпеден кейін алатын дозасы. Яғни, сіз алғашқы екі дозаны аласыз, содан кейін үшінші - күшейткіш. Мұны біз ревакцинация деп атаймыз», - деді Ибрагимова.

Ол вакцинация немесе ревакцинация алдында антиденелерді тексеру жүрмейтінін айтты.

Abai.kz