Алматыға Pfizer вакцинасының бірінші партиясы 10 қарашада жеткізіледі деп күтілуде. Алматы әуежайының баспасөз қызметі алдын ала мәлімет бойынша, "қалаға Pfizer вакцинасының бірінші партиясы 19:45-те жеткізіледі деп күтілуде" деп хабарлады. Вакцина Qatar Airways ұшағымен жеткізіледі.

Pfizer бастапқыда 12 жастан асқан балаларға және жүкті әйелдерге салынбақ. Денсаулық сақтау министрлігі балалар мен жүкті әйелдерді екпеден өткізгеннен кейін осы препаратпен екпе алуға болатын басқа санаттағы азаматтарды да қарастырады.

Вакцинаны -60-90 градус температурада сақтау керек. Ерігеннен кейін ампулаларды 2-8 градус температурада сақтауға болады. Бұған дейін Денсаулық сақтау министрлігі Pfizer вакцинасын жеткізу 8-14 қараша аралығында жүзеге асырылатынын айтқан болатын.

Abai.kz