Қазақстандықтарды ақылы негізде егу үшін Pfizer вакцинасы ұсынылады. Үкімет отырысында Денсаулық сақтау министрі Алексей Цой осындай ұсыныс жасады. 

Алексей Цой Қазақстан 379 мың доза көлеміндегі Pfizer вакцинасының бірінші партиясын алғанын еске салды. Екінші партияны жеткізу 20 қарашаға жоспарланған. Оның айтуынша, осы уақытқа дейін Жамбыл, Қарағанды, Қызылорда, Түркістан облыстарында, сондай-ақ Алматы, Нұр-Сұлтан және Шымкент қалаларында аталмыш препаратпен екпе егу басталды.

"Бүгінгі таңда 1313 балаға, 247 жүкті және бала емізетін әйелдерге екпе егілді. Қазақстан Республикасы аумағында коронавирустық инфекцияның таралуын болдырмау жөніндегі МАБ тапсырмасына сәйкес халықты қалауы бойынша вакцинациялау үшін CVI-ға қарсы Pfizer вакцинасын коммерциялық нарықта сату мүмкіндігі туралы Үкімет қаулысының жобасы әзірленді. Қолдауыңызды өтінемін", - деді Цой.

Бұл ұсынысты премьер-министр қолдады.

Abai.kz