Алматы әкімдігі өкілі қаладағы тәртіпсіздіктерден кейін келтірілген шығын сомасын айтты. Бұл туралы Алматы әкімінің орынбасары Ілияс Өсеров мәлімдеді.

-"Қалаға келтірілген шығын сомасы 112 миллиард теңге болады, бизнес нысандары - 67 миллиард, оның ішінде 42 миллиард шағын және орта бизнеске тиесілі. Дүкендер көп зардап шекті. Оларға келтірілген шығын сомасы 21 миллиард теңге, ал қару-жарақ дүкендеріне 6,4 миллиард теңге көлемінде залал келді. Қаржы ұйымдарының ішінде банктер, банкоматтарға келтірілген шығын 700 миллион теңге болды", - деді ол.

Алматы әкімінің орынбасары Мұхит Әзірбаев қалада зардап шеккен 10 нысан мемлекет есебінен қалпына келтірілетінін айтты.

Abai.kz