«Қазақстан мұнай экспорттаудың баламалы бағыттарын қарастырып жатыр»,-  деп хабарлады Энергетика министрлігінің баспасөз қызметі.

«Қазіргі уақытта Энергетика министрлігі Каспий құбыр консорциумымен теңіз терминалының жұмысын қалпына келтіру мерзімдері бойынша консультациялар өткізіп жатыр. Бұл ретте мұнай экспортын баламалы бағыттар бойынша ұлғайту мүмкіндіктері пысықталып жатыр», - делінген ҚР Энергетика министрлігі ақпаратында.

Естеріңізге сала кетейік, 22 наурызда қатты дауылдан Новороссийск маңында теңіз терминалындағы жылжымалы айлақ құрылғылары зақымданған. Нәтижесінде КҚК арқылы мұнай экспортын үш есе қысқарту қаупі туындады. Бұл мұнай жеткізуді тәулігіне 1 млн баррельге дейін қысқартып тастауы мүмкін.

Abai.kz