Қапшағай қаласына Дінмұхамед Қонаевтың аты берілетін болды. Бұл шешімді Қапшағай қаласы мәслихат депутаттары бірауыздан қолдап, тиісті шешім шығарды.

Қалалық мәдениет бөлімі басшысының айтуынша, өткен аптада Қапшағай әкіміне елді мекеннің атын өзгерту жөнінде ондаған ұсыныстар түскен. Соңғы шешімді мемлекет басшысы  Қасым-Жомарт Тоқаев қабылдауы керек.

«Қапшағай қаласы еліміздің біртуар азаматы Д.Қонаевтың есімімен тығыз байланысты. Егер тұрғындар қалаға Қонаевтың есімін беруді ұсынса, мен мұны қолдаймын. Жергілікті тұрғындар жаппай қолдаса, осы бастамаларды таяу арада жүзеге асыруға болады»,- деген еді мемлекет басшысы Қазақстан халқына Жолдауында.

Жолдаудан кейін бастаманы қолдаған желі қолданушылары Еgov.press платформасына петиция жариялап, қол жинай бастады.

Abai.kz