Сенбі, 13 Тамыз 2022
1420 0 пікір 27 Маусым, 2022 сағат 17:09

G7 жиыны: Украинаға көмек

"Үлкен жетілік" (G7) елдерінің лидерлері инфляция өсіп, экономикалық даму баяулаған тұста, ғаламдық дағдарыс орын алады ма деп алаңдайды. Осылай деп Германия канцлері Олаф Шольц G7 саммиті аясында мәлімдеді. 

"Үлкен жетілік" елдері Қытайдың триллиондаған доллар тұратын "Бір белдеу, бір жол" жобасына қарсы тұру үшін 2027 жылға дейін дамушы елдерге жаңа инфрақұрылым салу мақсатында 600 млрд еуро жұмсамақ. Оның 200 млрд долларын АҚШ бөлмек.

Дамыған жеті елдің басшылары қол қойған меморандумда АҚШ президенті Джо Байден мен өзге G7 тобына мүше елдердің лидерлері дамушы елдердің инфрақұрылымындағы кемшіліктерді жою жолында бірігіп арнайы әріптестік орнатады делінген. Сонымен бірге әлемдік экономиканы, қауіпсіздік саласын нығайтуға атсалысады деп атап өткен.

Негізінен экология, энергия, цифрлық байланыс, денсаулық сақтау және гендерлік теңдік салаларына қаржы бөлінеді. Бұдан бөлек Шольц пен Байден Украинаға әскери көмек көрсетуді жалғастыру жөнінде келісімге келді.

G7 саммиті 26 маусымда басталған, 28 маусымға дейін созылады. Ол Бавари альпасындағы Эльмау қорғанында өтіп жатыр. "Үлкен жетілік" тобына Ұлыбритания, Германия, Италия, Канада, Франция, Жапония және Қытай кіреді. Бұл жолғы шараға Индонезия мен Үндістан елдерінің өкілдері шақырылған.

Индонезия президенті Джоко Видодо Ресей мен Украинаға баруға ниетті. Reuters агенттігінің хабарлауынша, Видодо бітімгерлік миссиясымен баратынын жеткізген.

 

Abai.kz

0 пікір

Үздік материалдар

Алашорда

Алаш-арман

Бейбіт Қойшыбаев  2210
Білгенге маржан

Хилда Хукхэм және Ұлы қолбасшылар

Бейсенғазы Ұлықбек 2044
Әдебиет

Түс

Ерғали Бақаш 1727
Әне, көрдің бе?

Архимед кімді қорғаштайды?

Жайберген Болатов 2778