Жұма, 29 Наурыз 2024
2230 2 пікір 26 Шілде, 2022 сағат 14:02

Викрам Рузахунов Қазақстанға шақыртылуда

Бас прокуратура қырғыз музыканты Викрам Рузахуновтың Қазақстанға келуі туралы келіссөз жүргізіп жатыр. Бұл туралы Tengrinews.kzке сілтеме жасап, Abai.kz хабарлайды. 

Ведомство мәліметінше, 2022 жылғы 10 ақпанынан бастап сыбайлас жемқорлыққа қарсы қызметтің Алматы облысы бойынша департаменті қырғыз джазмені Викрам Рузахуновқа қатысты азаптауды қолдану дерегі бойынша Қылмыстық кодекстің 146-бабы 2-бөлігі 1-тармағы ("Адамдар тобы немесе алдын ала сөз байласу арқылы адамдар тобы жасаған азаптаулар") бойынша соталды тергеу амалдарын жүргізіп жатыр.

19 ақпанда Рузахуновты тергеу органы жәбірленуші деп таныды. "Қазір іс бойынша Алматы қаласы, Алматы облысы Полиция департаменті, ҰҚК ШҚ қызметкерлері мен медицина қызметкерлерінен жауап алынды, алайда бірқатар себепке байланысты күдіктілерді анықтау әзірге мүмкін емес (бейнежазбалар, келушілер мен жеткізілген адамдарды тіркеу журналдары жоқ, барлық қызметкер бетперде киген, оның ішінде медициналық бетперде кигендер де болған)", - деді Бас прокуратура өкілдері.

Облыстық Полиция департаментінен Рузахуновтың оқиғасына қатысы бар барлық қызметкердің суреті талап етілгені белгілі болды.

"Рузахунов қажетті тергеу әрекеттерін жүргізу үшін бірнеше рет тергеу органына шақырылды. Қазіргі уақытта қауіпсіздік шараларын қамтамасыз ете отырып, елге келуі туралы келіссөз жүргізіліп жатыр", - деді Қазақстанның Бас прокуратурасы өкілдері.

Соталды тергеу жалғасып жатыр және Алматы облысы прокуратурасының бақылауында.

Еске салайық, 7 қаңтарда Алматыдағы тәртіпсіздіктер кезінде музыкант Алматы облысында ұсталған болатын. Ол Қырғызстанға бет алған. Рузахуновтың өкінетінін айтып, кешірім сұраған видосы тарады. Бостандыққа шыққаннан кейін Викрам Рузахунов қысым мен соққыға жығылғанын мәлімдеді. Оның айтуынша, салдарынан ол ауыр дене жарақатын алған, бұл сараптама қорытындысымен дәлелденген.

Abai.kz

 

2 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1580
Алашорда

Қожанов межелеу науқанында (Жалғасы)

Бейбіт Қойшыбаев 2280
Ғибырат

Қайсар рухты ғазиз жан

Мұхтар Құл-Мұхаммед 3606