باس پروكۋراتۋرا قىرعىز مۋزىكانتى ۆيكرام رۋزاحۋنوۆتىڭ قازاقستانعا كەلۋى تۋرالى كەلىسسوز جۇرگىزىپ جاتىر. بۇل تۋرالى Tengrinews.kzكە سىلتەمە جاساپ، Abai.kz حابارلايدى. 

ۆەدومستۆو مالىمەتىنشە، 2022 جىلعى 10 اقپانىنان باستاپ سىبايلاس جەمقورلىققا قارسى قىزمەتتىڭ الماتى وبلىسى بويىنشا دەپارتامەنتى قىرعىز دجازمەنى ۆيكرام رۋزاحۋنوۆقا قاتىستى ازاپتاۋدى قولدانۋ دەرەگى بويىنشا قىلمىستىق كودەكستىڭ 146-بابى 2-بولىگى 1-تارماعى ("ادامدار توبى نەمەسە الدىن الا ءسوز بايلاسۋ ارقىلى ادامدار توبى جاساعان ازاپتاۋلار") بويىنشا سوتالدى تەرگەۋ امالدارىن جۇرگىزىپ جاتىر.

19 اقپاندا رۋزاحۋنوۆتى تەرگەۋ ورگانى جابىرلەنۋشى دەپ تانىدى. "قازىر ءىس بويىنشا الماتى قالاسى، الماتى وبلىسى پوليتسيا دەپارتامەنتى، ۇقك شق قىزمەتكەرلەرى مەن مەديتسينا قىزمەتكەرلەرىنەن جاۋاپ الىندى، الايدا بىرقاتار سەبەپكە بايلانىستى كۇدىكتىلەردى انىقتاۋ ازىرگە مۇمكىن ەمەس (بەينەجازبالار، كەلۋشىلەر مەن جەتكىزىلگەن ادامداردى تىركەۋ جۋرنالدارى جوق، بارلىق قىزمەتكەر بەتپەردە كيگەن، ونىڭ ىشىندە مەديتسينالىق بەتپەردە كيگەندەر دە بولعان)", - دەدى باس پروكۋراتۋرا وكىلدەرى.

وبلىستىق پوليتسيا دەپارتامەنتىنەن رۋزاحۋنوۆتىڭ وقيعاسىنا قاتىسى بار بارلىق قىزمەتكەردىڭ سۋرەتى تالاپ ەتىلگەنى بەلگىلى بولدى.

"رۋزاحۋنوۆ قاجەتتى تەرگەۋ ارەكەتتەرىن جۇرگىزۋ ءۇشىن بىرنەشە رەت تەرگەۋ ورگانىنا شاقىرىلدى. قازىرگى ۋاقىتتا قاۋىپسىزدىك شارالارىن قامتاماسىز ەتە وتىرىپ، ەلگە كەلۋى تۋرالى كەلىسسوز جۇرگىزىلىپ جاتىر", - دەدى قازاقستاننىڭ باس پروكۋراتۋراسى وكىلدەرى.

سوتالدى تەرگەۋ جالعاسىپ جاتىر جانە الماتى وبلىسى پروكۋراتۋراسىنىڭ باقىلاۋىندا.

ەسكە سالايىق، 7 قاڭتاردا الماتىداعى تارتىپسىزدىكتەر كەزىندە مۋزىكانت الماتى وبلىسىندا ۇستالعان بولاتىن. ول قىرعىزستانعا بەت العان. رۋزاحۋنوۆتىڭ وكىنەتىنىن ايتىپ، كەشىرىم سۇراعان ۆيدوسى تارادى. بوستاندىققا شىققاننان كەيىن ۆيكرام رۋزاحۋنوۆ قىسىم مەن سوققىعا جىعىلعانىن مالىمدەدى. ونىڭ ايتۋىنشا، سالدارىنان ول اۋىر دەنە جاراقاتىن العان، بۇل ساراپتاما قورىتىندىسىمەن دالەلدەنگەن.

Abai.kz