АҚШ SDN санкция тізіміне 44 жеке және 32 заңды тұлғаны енгізді.

Оның ішінде Шешенстан басшысы Рамзан Қадыров пен оның отбасы, Ресей Федерациясы президентінің көмекшісі, экономист Максим Орешкин мен балалар омбудсмені Мария Львова-Белова бар. Қадыровқа осымен үшінші рет, оның туыстарына екінші рет санкция салынып отыр.

Атап айтсақ, Қаржы министрлігінің санкциялар тізіміне Қадыровтың жұбайы Медни, «екінші» және «үшінші» әйелі Фатима Хазуева мен Аминат Ахмадова, балалары Айшат, Карина Хадижат, Табарик кірген.

Бұдан бұрын АҚШ Қадыровқа адам құқықтарын бұзды деген айып таққан болатын.

Abai.kz