Пәтерді заңсыз жалға беруге қатысты тәртіп күшейді. Кірістер комитетінің хабарлауынша, бюджетке салық төлемей баспанасын жалға беретін жеке тұлғаларды анықтау үшін ведомствоаралық жоспар құрылды. Енді учаскелік полиция инспекторлары тұрғын үйді заңсыз жалға берушілердің тізімін жасамақ.

Бақылау аяқталған соң азаматтарға ескерту беріледі. Талапты орындамаған жағдайда басқа  жауапкершілікке тартылады.

Бұған дейін елде пәтерді заңсыз жалға берушілерге 7 млн. теңгеден аса айыппұл салынған. Заңсыз кәсіпке салынатын айыппұл 45 мың теңгеден басталады. Қайта бұзғаны үшін 76 мың теңгеден аса ақша төлейді.

Abai.kz