Астана-Анкара бағытында тікелей рейс ашылды
5 желтоқсанда Қазақстан мен Түркия астаналары арасындағы тікелей әуе рейсінің салтанатты ашылу рәсімі өтті, деп хабарлайды Азаматтық авиация комитеті.
Астана мен Анкара арасындағы рейстерді аптасына 2 рейс жиілігімен Б-737 үлгісіндегі әуе кемелері жүзеге асыратын болады. Тасымалдаушы — «Turkish Airlines» түрік әуе компаниясының еншілес кәсіпорны «AnadoluJet».
Алғашқы рейстермен 140 жолаушы ұшып келіп, 157 жолаушы ұшып барған.
Естеріңізге сала кетейік, 20 қарашада AnadoluJet түрік лоукостері Алматы мен Анкара арасында рейстерді іске қосқан болатын.
Abai.kz
