استانا-انكارا باعىتىندا تىكەلەي رەيس اشىلدى
5 جەلتوقساندا قازاقستان مەن تۇركيا استانالارى اراسىنداعى تىكەلەي اۋە رەيسىنىڭ سالتاناتتى اشىلۋ ءراسىمى ءوتتى، دەپ حابارلايدى ازاماتتىق اۆياتسيا كوميتەتى.
استانا مەن انكارا اراسىنداعى رەيستەردى اپتاسىنا 2 رەيس جيىلىگىمەن ب-737 ۇلگىسىندەگى اۋە كەمەلەرى جۇزەگە اسىراتىن بولادى. تاسىمالداۋشى — «Turkish Airlines» تۇرىك اۋە كومپانياسىنىڭ ەنشىلەس كاسىپورنى «AnadoluJet».
العاشقى رەيستەرمەن 140 جولاۋشى ۇشىپ كەلىپ، 157 جولاۋشى ۇشىپ بارعان.
ەستەرىڭىزگە سالا كەتەيىك، 20 قاراشادا AnadoluJet تۇرىك لوۋكوستەرى الماتى مەن انكارا اراسىندا رەيستەردى ىسكە قوسقان بولاتىن.
Abai.kz
