Еліміздегі 19 жылу электр орталығы «қызыл» аймаққа кірді. Бұл туралы ҚР Энергетика министрі Болат Ақшолақов айтты.

«Энергетика министрлігі Мемлекет басшысының тапсырмасы бойынша құрылған арнайы комиссия жұмысы аясында 37 жылу электр орталығының техникалық жай-күйіне талдау жүргізді. «Қызыл» аймаққа – 19, «сары» аймаққа - 11, «жасыл» аймаққа – 7 ЖЭО кірді», - деді министр.

Ведомство басшысы ЖЭО-лардың жағдайын анықтау 4 шарт бойынша жүргізілген.

«Бірінші – жабдықтың тозуы. Оның орташа тозу көрсеткіші – 66 пайыз. Бұл ретте Орал, Степногор, Тараз, Қызылорда, Кентау қалаларындағы ЖЭО-ның тозуы 80%-дан асады. Елдегі ЖЭО-ның орташа жасы - 61. Оның ішінде ЖЭО-ның шамамен 76%-ы 50 жылдан астам уақыт жұмыс істеп тұр. 2021 жылдың қорытындысы бойынша электр стансаларындағы авариялық ажыратулар саны 2020 жылмен салыстырғанда 5% артты», - деді Болат Ақшолақов.

Abai.kz