Депутат Жанарбек Әшімжан Қаңтар оқиғасы кезінде жастардың Дикий Арманның тобына қосылып кетуі жайлы сөз қозғады.

«Авторитет ағаларды жағалаған жастардың көбейгені сонша, қоғамда «Бөкеңнің жігіттері», «Төкеңнің балалары» деген топтардың атынан ат үркетін жағдайға жеттік. Мұндай топтар әлеуметтік желілер арқылы өздерінің үлде мен бүлдеге оранған өмірлерін көрсетіп, жастардың санасын алаңсыз бұзды. Мұндай топтардың көксегені әділетсіз байлық пен қуыршақ билік. Олар үшін топ құру, қару ұстап, әлсізге әлімжеттік көрсету, кәсібін тартып алу – нағыз батырлыққа теңестірілді. Соның салдарынан бір топ жастар Қаңтар оқиғасында қылмыскерлер арасында «Дикий Арман» лақап атымен танымал Арман Жұмагелдиевтің қылмыстық іс-әрекетінің құрбаны болды»,-деді депутат.

Abai.kz