Студенттердің шәкіртақысы көбейеді
2025 жылға дейін студенттердің шәкіртақысы 2 есе ұлғаяды. Бұл туралы ҚР Ғылым және жоғары білім министрі Саясат Нұрбек айтты.
«Студенттердің шәкіртақысын 2025 жылға дейін 2 есе ұлғайту жоспарланған. Сонымен қатар 2025 жылдан кейін де келесі кезеңге дәл осындай өсім болады. Сондықтан бюджеттен қаржыландырудың қажетті көлемін қарастыру маңызды. Біз жоғары оқу орындары шәкіртақыны және оқытушы-профессор құрамының жалақысын сапалы түрде арттыру үшін гранттар құнын да кезең-кезеңімен арттырамыз», - деді Саясат Нұрбек министрліктің кеңейтілген алқа мәжілісінде.
Abai.kz
