Қырғызстанда крематорий ашылады
Алдағы аптада Бішкекте крематорий ашылады. Бұл туралы Бішкек әкімінің орынбасары Жырғалбек Шамыралиев мәлімдеген.
Парламенттік аграрлық саясат комитетінің отырысында Жырғалбек Шамыралиев қалалық әкімдіктің крематорийге жаңа жабдықтар сатып алғанын хабарлады. Ол келесі аптада іске қосылмақ.
Депутат Аманжан Кенжебаевтың сөзінше, нысанның құны - 156 мың доллар, крематорийді 9 жыл бұрын салу ұсынылған. Алайда, құрылыс аяғына жетпеген. Депутат Қырғызстанның әр облысында крематорий салуды ұсынды.
Abai.kz
