Таулы Қарабақ республикасы жойылады
2024 жылдың 1 қаңтарынан бастап мойындалмаған Таулы Қарабақ республикасы өмір сүруін тоқтатады. Атаулы жарлыққа аймақ басшысы Самвел Шахраманян қол қойды.
Құжат бойынша, Таулы Қарабақтағы барлық мемлекеттік мекеме мен ұйым таратылады. Ал халыққа Әзербайжанмен реинтеграция шарттары ұсынылған. Қарабақта қалу не қалмауды тұрғындардың өзі шешеді.
Армения үкіметінің кейінгі мәліметінше, Таулы Қарабақтан Арменияға 19 мыңға жуық адам қоныс аударған.
Айта кетсек, 19 қыркүйекте Әзербайжан Таулы Қарабақ аумағында әскери операция бастаған болатын.
Abai.kz
