«Тиісті жұмыс тобы бар. Онда жүздеген отырыс өткіздік. Оған байларды шақырып, пікірін ешкім сұраған жоқ. Себебі, мемлекеттік органдардың, бизнестің, «Атамекен» ҰКП өкілдері мен депутаттар және басқа да сарапшыларды шақырып, талқылау жүргіземіз. Ұлттық экономика министрлігінің жанында экономикалық зерттеулер институты бар. Осы институтта бүкіл мәселе талқыланып жатыр. Байлық деген жаман мотивация емес. Әр адам, әр кәсіпкер бірінші кезекте жағдайын жақсартуға көңіл бөледі және сол бағытта жұмыс істейді», - деді ол Үкімет отырысынан кейін БАҚ өкілдерінің сауалына орай.

«Салық кез келген байлыққа салына бермейді. «Роскошь» термині қазақша аударғанда «сән-салтанат» болады. Біз соны анықтап алуымыз керек. Бұған дейін Ұлттық экономика министрі де, вице-министр де «салықты асыра байлыққа қарастырамыз. Құны өте қымбат ұшақтар, яхталар және тағы басқа асыл заттарға қарастырылады» деген болатын. Олардың тізілімі болады. Тек соларға жоғары салық салынады», - деді Ерұлан Жамаубаев.