ХІХ Жазғы Азия ойындары 2023 жылдың 23 қыркүйегі мен 08 қазан аралығында ҚХР, Ханчжоу қаласында өтті. Ұлттық құрама аталмыш доданың жалпы қорытындысы бойынша Солтүстік Кореядан кейін 11-орынға жайғасты.

Қазақстанның еншісінде 10 алтын, 22 күміс, 48 қола – жиыны 80 медаль бар. Ал үздік үштікте – Қытай, Жапония Корея республикалары.

2018 ЖЫЛҒЫ АЗИАДА

Естеріңізде болса, XVIII Азия ойындары – 2018 жылғы 10 тамыз бен 2 қыркүйек аралығында Индонезия астанасында өткен. Ол кезде жалпы қорытынды бойынша Қазақстан құрамасы Үндістаннан кейінгі 9-орынға жайғасқан. 2018-жылы Ұлттық құрама 15 алтын, 17 күміс, 44 қола – жиыны 76 медальды еншілеген.

2014 ЖЫЛҒЫ АЗИАДА

Ал 2014 жылы аталмыш спорт бәйгесі 19-қыркүйек пен 4-қазан аралығында Корея Республикасында өтіп, Қазақстан жалпы есеп бойынша Жапониядан кейінгі 3-орынды місе тұтқан. Ол кезде Ұлттық құрама 28 алтын, 23 күміс, 33 қола – 84 медаль иеленген.

2010 ЖЫЛҒЫ АЗИАДА

Осы бәйге 2010 жылдың 12-27 қарашасында Қытайдың Гуанчжоу қаласында өтіп, Қазақстан жалпы есеп бойынша 5-орынға тұрақтаған. 2010 жылы өткен Жазғы Азия ойындарында Ұлттық құрама  18 алтын, 23 күміс, 38 қола – жиыны 79 медаль алған еді.

(Суреттер әлеуметтік желіден алынды)

Abai.kz