«Алматыэлектротранс» компаниясының бұрынғы басшысы Берікхан Мырзакәрімовке іздеу салынды. Бұл туралы Құқықтық статистика және арнайы есепке алу органдары порталында  жарияланды.

Ақпаратқа сәйкес, Мырзакәрімов Берікхан Қабиұлына Қаржы мониторингі агенттігінің Алматы қаласы бойынша Экономикалық тергеу департаментінің іздеу жариялағанына  8 күн болған.

Бұған дейін Telegram-арналардың бірінде Алматы қаласы бойынша Экономикалық тергеу департаментінің қызметкерлері ҚР ҚК 189-бабы бойынша «Алматыэлектротранс» ЖШС бұрынғы бас директоры Берікхан Мырзақәрімовке (сеніп тапсырылған бөтен мүлікті иемдену немесе ысырап ету) қылмыстық іс қозғағаны туралы хабарланған еді.

Айта кетейік, Берікхан Мырзакәрімов 2021 жылдың ақпан айында «Алматыэлектротранс» ЖШС-ға басшы болып келген болатын.

фото: ашық дереккөзден

Abai.kz