ҰҚК: «Қаңтар оқиғасы кезінде жасырылған қару-жарақтар табылды»
24 қаңтарда Ұлттық қауіпсіздік комитеті Алматы қаласында қару арсеналы жасырылған орынды анықтады.
«Калашников» автоматтарын, тапаншалар мен мылтықтарды қоса алғанда 30 бірлік қару-жарақ, сондай-ақ 5 граната, 10 түтіндету құтысы және әртүрлі калибрдегі 221 патрон алынды.
Алдын ала деректер бойынша, табылған қару «қаңтар оқиғалары» кезінде ұрланған.
Сотқа дейінгі тергеп-тексеру жүргізілуде.
фото: ҰҚК Instagram парақшасынан
Abai.kz
