Алқа басшысының айтуынша, жақын арада басшылардың қатысуымен арнайы кеңейтілген отырыс өткізіледі, деп хабарлайды Abai.kz.

Адвокаттар алқасының басшысы Айдын Бикебаев экс-министр Қуандық Бишімбаевтың ісі бойынша мәлімдеме жасады.

- Адвокаттарды Бишімбаев ісіне қатысатын әріптестерін жария талқылауды тоқтатуға шақырамын. Бұл әрекеттер кәсіби этика кодексін бұзуы мүмкін. Әр нәрсенің шегі бар және ол болуы керек. Әрбір адвокат адвокаттың беделіне қамқорлық жасауы керек, - деді ол.

Республикалық адвокаттар алқасының төралқасы алдағы күндері осы іске қатысты барлық мәселелер бойынша аумақтық адвокаттар алқасы басшыларының қатысуымен арнайы кеңейтілген отырыс өткізбек.

Abai.kz