18 сәуірде Таиландтың министрлер кабинеті қазақстандық туристер үшін визаны біржола алып тастауды мақұлдады, деп хабарлайды Abai.kz.

Соңғы жылдары Қазақстандықтардың демалуға ең көп барып жатқан елі Тайланд. Былтырдың өзінде 172 мың қазақстандық азаматтар барған екен.

Бұл дегеніміз Қазақстан – Таиландтың туризм индустриясы үшін ең жылдам дамып келе жатқан нарықтардың бірі, елдің өсуінің негізгі драйвері.

2019 жылдан бастап таиландтық паспорт иелері Қазақстанда 30 күнге дейін болуға мүмкіндік беретін визасыз режимді пайдаланады.

1 наурыздан бастап Қытайдан келгендер үшін тұрақты визадан бас тарту күшіне енді. Ал Қытай екіжақты келісім бойынша Таиландтан келгендер үшін де солай жасады.

Abai.kz