Алматыда жыл басынан бері самокаттардың қатысуымен 38 жол-көлік оқиғасы тіркеліп, 42 адам зардап шекті. Бұл туралы Abai.kz хабарлайды.

Самокаттардың қатысуымен болатын жол-көлік оқиғалары жиілеп кетуіне байланысты Алматы полициясы жол қозғалысына қатысушыларға үндеу жасады.

 "Қала тұрғындарының жайлы және қауіпсіз өмір сүруінің маңызды факторы – жол қауіпсіздігі. Алматы полициясы профилактикалық іс-шараларды күшейтті, оның басты мақсаты – оған қатысушылар арасында жол қозғалысы қауіпсіздігі талаптарының сақталуына бақылауды күшейту және жол-көлік оқиғаларын азайту", – делінген хабарламада.

Қазіргі таңда қалада 50 мыңнан астам самокат бар. Жыл басынан бері самокат жүргізушілерінің жол жүру ережесін бұзуына қатысты 7 500 әкімшілік хаттама толтырылған.

 Abai.kz