Олимпиада ойындарында брейкингтен Қазақстан намысын қорғайтын алғашқы спортшы деп Әмір Зәкіров атанды, деп хабарлайды Abai.kz.

Ресми мәліметтің дерегінше, Мажарстан астанасы Будапеште өткен іріктеу турнирінің қорытындысы бойынша Әмір Олимпиада жолдамасын еншіледі. Ол жарыстың финалына дейін жетіп, ақтық сында Нидерланд өкілі Lee-ге есе жіберді. Осылайша, екінші орын алды. Үшінші орынды Оңтүстік Кореядан келген Hong10 иеленді. Екі іріктеу кезеңінің қорытындысы бойынша Әмір 71 ұпай жинады (Шанхайдағы жарыста ол 15-орын алған). Жалпы есепте қазақстандық би-бой алтыншы орынға жайғасты. Бұл нәтиже оған Олимпиада жолдамасын алуға мүмкіндік берді.

Ескере кету керек, брейкинг алғаш рет Олимпиада бағдарламасына еніп отыр.

Abai.kz