Қазан айында «Левада-орталық» жүргізген әлеуметтік сауалнаманың қорытындысына сәйкес, Ресей халқының төрттен үшінен астамы (76 пайызы) Украинадағы Ресей қарулы күштерінің іс-қимылын қолдайтынын айтқан.

Сауалнамаға қатысушылардың 45 пайызы Ресейдің басқыншылық соғысын «нақты қолдайды». Ал 31 пайызы «екі ойлы, бірақ қолдайды».

Әлеуметтанушылардың айтуынша, Ресейдегі 55 және одан жоғары жастағы ерлер Кремльдің соғыс саясатын көбірек қолдайды (81 пайыз). Ал 24 жасқа дейінгілер азырақ қолдайды (67 пайыз).

Сонымен қатар, ресейліктердің 36 пайызы ұрыс қимылдарын жалғастыруды қолдайды. Ал 55 пайызы Украинамен бейбіт келіссөздер жүргізу уақыты келді деп санайды.

Abai.kz