Сенбі, 5 Сәуір 2025
Не дейді?! 328 0 пікір 4 Сәуір, 2025 сағат 14:25

Жыл басынан бері Ұлттық қордан 1,45 трлн теңге алынған

Сурет: Turkystan.kz сайтынан алынды.

Қаңтардың басында Ұлттық қордың жалпы сомасы 33 трлн теңге болса, наурыздың аяғында 32,2 трлн теңгеге түскен. Бұл – қазіргі  бағам бойынша 64 млрд доллар.

«Жыл басынан бері Ұлттық қор 819,8 млрд теңгеге қысқарды», деп хабарлады ҚР Қаржы министрлігі.

Үш айда Ұлттық қорға 631,4 млрд теңге, оның ішінде наурызда 111,19 млрд теңге түскен. Негізгі кіріс көздері мұнай компанияларынан түсетін корпоративтік табыс салығы 248,9 млрд теңге, жасалған келісімшарттар бойынша өнімді бөлудегі қазақстандық үлестің 234,7 млрд теңгесі, сондай-ақ басқа да төлемдер.

Бұл ретте Ұлттық қордан 1,45 трлн теңге игерілсе, оның 450,4 млрд теңгесі наурыз айында игерілді. Бұл сомаға кепілдендірілген трансферттер (тапшылықты жабу үшін республикалық бюджетке бағытталатын) – 1,2 трлн теңге, нысаналы трансферттер (республикалық маңызы бар жобаларды қаржыландыруға) – 250 млрд теңге.

Ұлттық қордың көлемі наурыз айында 339,3 млрд теңгеге қысқарды. Жалпы, 2025 жылы бюджетке сәйкес Ұлттық қордан 2 трлн теңге кепілдік берілген трансферттер мен 3,25 трлн теңге нысаналы трансферттер жоспарланған.

Abai.kz

0 пікір

Үздік материалдар

46 - сөз

Қайраулы қара семсер

Есболат Айдабосын 1489
Анық-қанығы

Еуропаға Ресей аумағынсыз шығу жолы

Асхат Қасенғали 4214
46 - сөз

Бізге беймәлім Барақ хан

Жамбыл Артықбаев 3108