Қарағанды облысы – ел тарихында ерекше орны бар өңір. Кен өндірумен танылған бұл аймақ патриотизм ұғымын сөз жүзінде емес, іс жүзінде дәлелдеп келе жатқан мекен.

Патриотизм – бұл тек ұран емес. Бұл ұғым қазір де туған жерге деген махаббат, тарихты құрметтеу, адал еңбек пен қоғамдық жауапкершілік. Қарағандыда бұл құндылықтар нақты әрекеттер арқылы жүзеге асып келеді.

Тарихи жады – елжандылықтың негізі екенін уақыттың өзі дәлелдеп берді.  Қарағанды облысы саяси қуғын-сүргін жылдарында мыңдаған тағдырдың тоғысқан орны. Долинка кентіндегі репрессия құрбандарына арналған музей, «Спасск» мемориалды кешені – өткеннің ауыр сабақтарын ұмытпауға шақыратын маңызды нысандар. Бұл орындарда мектеп оқушылары мен жастар үшін тұрақты түрде экскурсиялар, ашық сабақтар өткізіледі.

Мысалы, жақында Қарағанды облысы бүкіл елмен бірге Қазақстан Республикасының Мемлекеттік рәміздері күнін кеңінен атап өтуде. Облыс орталығында ту тұғырының маңында жұртшылықтың, еріктілердің, жастардың қатысуымен «Туған жерім – Қазақстан!» патриоттық форумның ашылуы болды. Алаңда үш мың адам бір уақытта еліміздің әнұранын орындады. Қарағанды облысы бүкіл елмен бірге Қазақстан Республикасының Мемлекеттік рәміздері күнін кеңінен атап өтуде. Облыс орталығында ту тұғырының маңында жұртшылықтың, еріктілердің, жастардың қатысуымен "Туған жерім – Қазақстан!" патриоттық форумның ашылуы болды. Алаңда үш мың адам бір уақытта еліміздің әнұранын орындады. «Мемлекеттік рәміздер күні біздің жүрегімізде ерекше орын алады, өйткені біздің мемлекетіміздің рәміздері жай ғана атрибуттар емес, бұл біздің тарихымыздың, мәдениетіміздің және бірлігіміздің бейнесі. Қазақстанның Туы, Елтаңбасы мен Әнұраны бүкіл әлемге танымал болды, бұл еліміз үшін мақтаныш сезімін тудырады» – дейді Қарағанды облысының әкімі Ермағанбет Бөлекпаев.

Өңірдің патриоттық бейнесін кеншілер мен өндіріс жұмысшылары қалыптастырып келеді. Ал Қарағандылық жастар да өз жетістіктерімен елге үлгі болуда. Әрқашан еңбек адамы – өз ісіне адал, жауапкершілігі мол азаматтың көрінісі. Мұндай еңбекқорлық пен тәртіп те – нағыз патриотизмнің бір түрі. Облыста жастарға патриоттық тәрбие беру жұмыстары жүйелі жүргізіледі. Әскери-патриоттық клубтар, «Жас сарбаз» қозғалысы, тарихи-мәдени бағыттағы жобалар жастардың туған жерге деген сүйіспеншілігін арттырып келеді. Сонымен қатар, волонтерлік қозғалыстар мен экологиялық акцияларға белсене қатысу – елдің бүгініне жауапкершілікпен қараудың нақты мысалы.

Қорытындылай келе, Қарағанды облысында патриотизм – бұл тарихқа тағзым, еңбекке адалдық және болашаққа сенім. Мұндай құндылықтармен тәрбиеленген ұрпақ – елдің жарқын келешегінің кепілі.

Abai.kz