قاراعاندى وبلىسى – ەل تاريحىندا ەرەكشە ورنى بار ءوڭىر. كەن وندىرۋمەن تانىلعان بۇل ايماق پاتريوتيزم ۇعىمىن ءسوز جۇزىندە ەمەس، ءىس جۇزىندە دالەلدەپ كەلە جاتقان مەكەن.

پاتريوتيزم – بۇل تەك ۇران ەمەس. بۇل ۇعىم قازىر دە تۋعان جەرگە دەگەن ماحاببات، تاريحتى قۇرمەتتەۋ، ادال ەڭبەك پەن قوعامدىق جاۋاپكەرشىلىك. قاراعاندىدا بۇل قۇندىلىقتار ناقتى ارەكەتتەر ارقىلى جۇزەگە اسىپ كەلەدى.

تاريحي جادى – ەلجاندىلىقتىڭ نەگىزى ەكەنىن ۋاقىتتىڭ ءوزى دالەلدەپ بەردى.  قاراعاندى وبلىسى ساياسي قۋعىن-سۇرگىن جىلدارىندا مىڭداعان تاعدىردىڭ توعىسقان ورنى. دولينكا كەنتىندەگى رەپرەسسيا قۇرباندارىنا ارنالعان مۋزەي، «سپاسسك» مەموريالدى كەشەنى – وتكەننىڭ اۋىر ساباقتارىن ۇمىتپاۋعا شاقىراتىن ماڭىزدى نىساندار. بۇل ورىنداردا مەكتەپ وقۋشىلارى مەن جاستار ءۇشىن تۇراقتى تۇردە ەكسكۋرسيالار، اشىق ساباقتار وتكىزىلەدى.

مىسالى، جاقىندا قاراعاندى وبلىسى بۇكىل ەلمەن بىرگە قازاقستان رەسپۋبليكاسىنىڭ مەملەكەتتىك رامىزدەرى كۇنىن كەڭىنەن اتاپ وتۋدە. وبلىس ورتالىعىندا تۋ تۇعىرىنىڭ ماڭىندا جۇرتشىلىقتىڭ، ەرىكتىلەردىڭ، جاستاردىڭ قاتىسۋىمەن «تۋعان جەرىم – قازاقستان!» پاتريوتتىق فورۋمنىڭ اشىلۋى بولدى. الاڭدا ءۇش مىڭ ادام ءبىر ۋاقىتتا ەلىمىزدىڭ ءانۇرانىن ورىندادى. قاراعاندى وبلىسى بۇكىل ەلمەن بىرگە قازاقستان رەسپۋبليكاسىنىڭ مەملەكەتتىك رامىزدەرى كۇنىن كەڭىنەن اتاپ وتۋدە. وبلىس ورتالىعىندا تۋ تۇعىرىنىڭ ماڭىندا جۇرتشىلىقتىڭ، ەرىكتىلەردىڭ، جاستاردىڭ قاتىسۋىمەن "تۋعان جەرىم – قازاقستان!" پاتريوتتىق فورۋمنىڭ اشىلۋى بولدى. الاڭدا ءۇش مىڭ ادام ءبىر ۋاقىتتا ەلىمىزدىڭ ءانۇرانىن ورىندادى. «مەملەكەتتىك رامىزدەر كۇنى ءبىزدىڭ جۇرەگىمىزدە ەرەكشە ورىن الادى، ويتكەنى ءبىزدىڭ مەملەكەتىمىزدىڭ رامىزدەرى جاي عانا اتريبۋتتار ەمەس، بۇل ءبىزدىڭ تاريحىمىزدىڭ، مادەنيەتىمىزدىڭ جانە بىرلىگىمىزدىڭ بەينەسى. قازاقستاننىڭ تۋى، ەلتاڭباسى مەن ءانۇرانى بۇكىل الەمگە تانىمال بولدى، بۇل ەلىمىز ءۇشىن ماقتانىش سەزىمىن تۋدىرادى» – دەيدى قاراعاندى وبلىسىنىڭ اكىمى ەرماعانبەت بولەكپاەۆ.

ءوڭىردىڭ پاتريوتتىق بەينەسىن كەنشىلەر مەن ءوندىرىس جۇمىسشىلارى قالىپتاستىرىپ كەلەدى. ال قاراعاندىلىق جاستار دا ءوز جەتىستىكتەرىمەن ەلگە ۇلگى بولۋدا. ارقاشان ەڭبەك ادامى – ءوز ىسىنە ادال، جاۋاپكەرشىلىگى مول ازاماتتىڭ كورىنىسى. مۇنداي ەڭبەكقورلىق پەن ءتارتىپ تە – ناعىز ءپاتريوتيزمنىڭ ءبىر ءتۇرى. وبلىستا جاستارعا پاتريوتتىق تاربيە بەرۋ جۇمىستارى جۇيەلى جۇرگىزىلەدى. اسكەري-پاتريوتتىق كلۋبتار، «جاس سارباز» قوزعالىسى، تاريحي-مادەني باعىتتاعى جوبالار جاستاردىڭ تۋعان جەرگە دەگەن سۇيىسپەنشىلىگىن ارتتىرىپ كەلەدى. سونىمەن قاتار، ۆولونتەرلىك قوزعالىستار مەن ەكولوگيالىق اكتسيالارعا بەلسەنە قاتىسۋ – ەلدىڭ بۇگىنىنە جاۋاپكەرشىلىكپەن قاراۋدىڭ ناقتى مىسالى.

قورىتىندىلاي كەلە، قاراعاندى وبلىسىندا پاتريوتيزم – بۇل تاريحقا تاعزىم، ەڭبەككە ادالدىق جانە بولاشاققا سەنىم. مۇنداي قۇندىلىقتارمەن تاربيەلەنگەن ۇرپاق – ەلدىڭ جارقىن كەلەشەگىنىڭ كەپىلى.

Abai.kz