Белгілі қазақстандық филолог, әдебиет сыншысы, режиссер және сценарист Ғалым Төлембекұлы Дөскеннің қайтыс болғаны белгілі болды. Бұл туралы әдебиеттанушы Амангелді Кеншілік хабарлады.

Айта кетейік, Ғалым Дөскен 1960 жылғы 19 шілдеде дүниеге келген. Абай атындағы Қазақ педагогикалық институтын тәмамдаған. 2001–2002 жылдары «Қазақстан» республикалық телерадиокорпорациясы» жабық акционерлік қоғамы басқарма төрағасының бірінші орынбасары болып қызмет атқарды. 2002–2006 жылдары «Қазақстан» РТРК» АҚ-ның президенті болды. 2007 жылдан бастап «Ел» продюсерлік орталығының көркемдік жетекшісі қызметін атқарды.

Ол көптеген деректі және көркем фильмдердің авторы: «Ожидание света» («Жарықты күтумен»), «Столицы Великой степи», «Сны пантеонов Маңғыстау», «Хроника утраченного света», «Цветные болезни». Сондай-ақ «Тоғыз құйрықты ақ түлкі», «Сиқырлы флейта», «Билеген құс» кітаптарын жазған, «Жезтырнақ» балетінің либреттосын әзірлеген және бірнеше аудармалар жасаған.

Abai.kz