Түркия президенті Режеп Тайып Ердоған Қара теңізде Kairos пен Virat танкерлеріне жасалған шабуылдарға қатысты мәлімдеме жасады, деп хабарлайды "Адырна" ұлттық порталы Haber Global-ға сілтеп.

Бұл туралы президент халыққа арнаған үндеуінде айтты.

«Ресей мен Украина арасындағы соғыс Қара теңіздегі кеме қатынасының қауіпсіздігіне қатер төндіруде. Жұма күні біздің экономикалық аймақта сауда кемелеріне жасалған шабуылдар жағдайдың ушыққанын көрсетеді. Кеме қатынасының, адамдардың өмірі мен қоршаған ортаның қауіпсіздігіне қауіп төндіретін мұндай әрекеттерді ақтай алмаймыз. Осыған байланысты тараптарға ескерту жасадық», – деді Ердоған.

Еске салсақ, 29 қарашада Қара теңізде орналасқан Kairos пен Virat танкерлері жасалған шабуылдар салдарынан зақымданған еді.

Abai.kz