Парламент қабырғасында Кәсіпкерлік кодексіне енгізілетін жаңа түзетулер төңірегінде үлкен айтыс басталды. Депутаттар арасындағы пікірталас еліміздегі ең өзекті сұраққа тірелді. Ол - Бизнестің жауапкершілігі. Міне осы сұрақтың өңін айналдырушылар ішінен Мәжілістің Экология және табиғат пайдалану мәселелері жөніндегі комитетінің төрағасы ретінде Еділ Жаңбыршин «Ақша ма, әлде адам өмірі ме?» деген сауалды орынсыз кірістіріп, шаруаның жөні мен ебін білетін жұртшылықты ірі бизнестің сойылын соғып, лоббизмге жол берді деп айыптады.

Азат Перуашев бұған дейін не дейді?

«Ақ жол» фракциясының жетекшісі ретінде ол көбіне бизнестің, отандық өндірушілердің және бюджет қаражатының ашықтығын қорғап сөйлейді.

Бизнесті қолдау және Салық кодексі қатысты Перуашев салықтық әкімшілендіруді жеңілдетуді, шағын және орта бизнесті негізсіз тексерістерден қорғауды талап етті.

Бюджеттің жұмсалуына қатысты: Үкіметтің сырттан қарыз алуын және Ұлттық қордан трансферттерді тым жиі алғанын сынайды. Ол квазимемлекеттік сектордың (ұлттық компаниялардың) кірістері мен шығыстарын қатаң бақылауға алуды ұсынды.

Демонополизация: Экономикадағы монополиямен күресуді және мемлекеттік сатып алулардың әділ өтуін жақтады.

2026 жылғы мамырдың соңында, міне, тап осындай мәселелерді көтерген жан депутат Еділ Жаңбыршинмен Кәсіпкерлік кодексіне қатысты үлкен пікірталасқа түсіп, үлкен сөз қағысу алды.Екеуара даудың негізгі себебі — экология мәселелеріне арналған жаңа заң жобасы аясында кәсіпкерлерді экологиялық тексеру тәртібін Кәсіпкерлік кодексінен шығарып тастау туралы ұсыныстан туындады.

Бұл текетіресте екі депутат екі түрлі ұстанымды алға тартты:

Азат Перуашев неге қарсы шықты?

«Ақ жол» фракциясының жетекшісі бұл түзетулерге үзілді-кесілді қарсы екенін мәлімдеді. Оның уәждері мынаған саяды:

Тексерістердің бақылаусыз кетуі: Қазіргі Кәсіпкерлік кодексі бойынша кез келген тексеріс прокуратурада тіркеліп, нақты мерзімдер мен негіздер аясында өтуі тиіс. Егер бұл норма кодекстен алынып тасталса, экоинспекторлар кәсіпорындарды ескертусіз, өз бетінше және шектеусіз тексере алатын болады.

ШОБ-қа (шағын және орта бизнес) келетін қысым: Перуашевтің айтуынша, ірі алпауыт компаниялардың өзін қорғайтын мықты заңгерлер штаты мен халықаралық арбитраждарға шығу мүмкіндігі бар. Ал қарапайым шағын және орта бизнес мұндай ведомстволық озбырлық пен негізсіз шағымдардың алдында дәрменсіз қалады.

Жемқорлық тәуекелі: Тексеруші органның құқығы заңнан тыс кеңейсе, бұл бизнеске әкімшілік жүктемені арттырып, парақорлық пен жемқорлыққа жол ашады. «Ақ жол» бұл мәселе шешілмейінше, заң жобасын қолдамайтынын жеткізді.

Еділ Жаңбыршин не деп жауап берді?

Осы экологиялық заң жобасы авторларының бірі ретінде Еділ Жаңбыршин бұл шараның маңыздылығын қорғап, тұжырымы әлсіз, тек эмоцияға толы жауап қайтарды.

Депутаттардың сөз жарысы барысында тіпті «Біз бұл жерде шәкірт те, мұғалім де емеспіз» деген сияқты репликалар айтылып, пікірталас өте қызу сипат алды. Қазіргі уақытта бұл даулы нормалар бойынша Парламенттің жұмыс топтарында талқылаулар әлі де жалғасып жатыр.

Abai.kz