Әзербайжан СІМ Каспийде қаза тапқан қазақстандық әскерилерге байланысты көңіл айтты...

Әзербайжан СІМ Каспий теңізінде Әскери-теңіз күштерінің жаттығуы кезінде қазақстандық әскери қызметшілердің қаза табуына байланысты көңіл айтты. Тиісті мәлімдемені Әзербайжанның сыртқы саяси ведомствосы жариялады.

«Қайғылы қазаға байланысты қабырғамыз қайысып отыр», - деді Баку.

Әзербайжан СІМ-і қаза тапқандардың отбасылары мен жақындарына, сондай-ақ Қазақстан халқы мен үкіметіне көңіл айтты.

«Қазақстан Әскери-теңіз күштерінің Каспий теңізіндегі әскери жаттығулары кезінде әскери қызметшілердің қайғылы қазаға ұшырауына байланысты қабырғамыз қайысып отыр. Қаза тапқан әскери қызметшілердің отбасылары мен жақындарына, сондай-ақ бауырлас Қазақстан халқы мен Үкіметіне терең қайғырып көңіл айтамыз. Алла тағала марқұмдарға мәңгілік тыныштық, ал олардың отбасыларына осы бір ауыр сәтте төзім мен сабыр берсін», — делінген хабарламада.

Ведомство жалғасып жатқан іздестіру-құтқару операциясы туралы да бөлек тоқталып өтті: «Әлі де із-түзсіз жоғалғандар тізімінде жүргендер аман-есен құтқарылады деп үміттенеміз, ал зардап шеккен әскери қызметшінің тезірек сауығып кетуін тілейміз», - деді.

Трагедия туралы не белгілі?

24 қыркүйекте Маңғыстау облысында Әскери-теңіз күштерінің жаттығуы кезінде әскери қызметшілерді теңізге ағызып әкетті. Қазақстан Қорғаныс министрлігінің алдын ала мәліметінше, бұл метеорологиялық жағдайдың кенеттен нашарлауы мен желдің күшеюі салдарынан болған.

Теңізге 19 әскери қызметші ағып кеткен. Тоғыз адам қаза тапты, үшеуі құтқарылды, олардың бірі ауруханаға жатқызылды. Қалғандарын іздеу жұмыстары жалғасуда.

Әскери қызметшілердің қаза болу фактісі бойынша қылмыстық іс қозғалды. Бұдан бөлек, оқиғаның себептерін тексеру үшін үкіметтік комиссия құрылды.

Abai.kz