Батыс елдері мен Украина мойындамаған референдум нәтижесі белгілі болды. BBC агенттігінің орыс тілді қызыметі хабарлауынша 89%-дан астам  сайлаушылар Донецктің дербес болуын қолдап  дауыс берген. Донецк орталық сайлау комиссиясының хатшысы Роман Лягин: «Сайлау бюллетендерін санау бізге қиындық тудырмады, қарсы дауыс бергендер көп бола қоймады, бүлінген сайлау бюллетендері де аз ғана. Тез және жинақы жұмыс істей алдық», - деп мәлімдеген РИА Новости арқылы өткізген баспа сөз мәслихатында.  Оның сөзінше аталған аймақтың дербес  ел болуына қарсы дауыс бергендер 10,19%, бүлінген сайлау белеттері 0,74% ғана.  Луганск мәртебесіне байланысты сайлау қортындысы бүгін жарияланатын болады. Аталған аймақтар мәртебесіне байланысты дауыс беру науқаны Мәскеуде де өткізілген. Арнайы әзірленген сайлау учаскелерінде Украина азаматтары дауыс берген.

Абай-ақпарат