باتىس ەلدەرى مەن ۋكراينا مويىنداماعان رەفەرەندۋم ناتيجەسى بەلگىلى بولدى. BBC اگەنتتىگىنىڭ ورىس ءتىلدى قىزىمەتى حابارلاۋىنشا 89%-دان استام  سايلاۋشىلار دونەتسكتىڭ دەربەس بولۋىن قولداپ  داۋىس بەرگەن. دونەتسك ورتالىق سايلاۋ كوميسسياسىنىڭ حاتشىسى رومان لياگين: «سايلاۋ بيۋللەتەندەرىن ساناۋ بىزگە قيىندىق تۋدىرمادى، قارسى داۋىس بەرگەندەر كوپ بولا قويمادى، بۇلىنگەن سايلاۋ بيۋللەتەندەرى دە از عانا. تەز جانە جيناقى جۇمىس ىستەي الدىق»، - دەپ مالىمدەگەن ريا نوۆوستي ارقىلى وتكىزگەن باسپا ءسوز ءماسليحاتىندا.  ونىڭ سوزىنشە اتالعان ايماقتىڭ دەربەس  ەل بولۋىنا قارسى داۋىس بەرگەندەر 10,19%، بۇلىنگەن سايلاۋ بەلەتتەرى 0,74% عانا.  لۋگانسك مارتەبەسىنە بايلانىستى سايلاۋ قورتىندىسى بۇگىن جاريالاناتىن بولادى. اتالعان ايماقتار مارتەبەسىنە بايلانىستى داۋىس بەرۋ ناۋقانى ماسكەۋدە دە وتكىزىلگەن. ارنايى ازىرلەنگەن سايلاۋ ۋچاسكەلەرىندە ۋكراينا ازاماتتارى داۋىس بەرگەن.

اباي-اقپارات