Жұрт ширек ғасыр күткен сөзді ҚР Бас прокуратурасы жақында ғана айтты. Алдағы уақытта заңды түрде тіркелмеген Ресей телеарналарына Қазақстан аумағында хабар таратуға тыйым салынады.

«kaz.gazeta.kz» сайтының хабарлауынша бұл туралы Сенаттың халықаралық қатынастар, қорғаныс және қауіпсіздік жөніндегі комитетінің кеңейтілген отырысында бас прокурордың орынбасары Андрей Кравченко айтқан. "Бізді қазір алаңдатып отырғаны, республикада жұмыс істеп отырған каналдардың жартысы дерлік ресейлік, олар өкілетті мемлекеттік органда есепке алынбай отыр.Олар сонда барып, есепке тұруға тиіс", - дейді ол.  "Ал өкілетті органға келіп тіркеуден өтпеген каналдарға Қазақстан аумағында хабар таратуға тыйым салу керек". 

Мемлекеттің тәуелсіздігіне тікелей қатысты «ақпараттық қауіпсіздік» мәселесін Қазақ баспасөзі айтуындай айтып, жазуындай жазып келеді. Сол "жанайқай" құзырлы орындардың құлағына енді ғана жетіпті. Оған да шүкірлік. 

Abai.kz